Errealaren aurtengo kamiseta aurkeztu zuten atzo. Gaur Gipuzkoako periodiko guztien azaletan ageri da elastiko retroa, garai zaharrak gogora ekartzen dituena. Baina estetikaz gain, badira zalantza piztu diguten pare bat kontu: Zer iruditzen zaizue kapitainaren besokoan dagoena baino handiago den ikurrina edukitzea besoan? Zer esango genuke Real Madril taldeak halako espainiar bandera jarriko balu? Ondo dago Kutxaren gizarte ekintza futbol talde pribatu batean sartzea? Eta Diputazioak guztion diruarekin erreala babestea?

Gogor dabiltza kataluniarrak aspaldion. Orain independentzia eskatzen duen lip-dub tankerako klip batekin irabazi dute leihaketa; eta Joan Laporta, Barçaren presidente izandakoak, estatu bat sortzeko apustuaren zoriona bizi duela dio, Vilaweb agerkariak gaur bertan argitaratutako elkarrizketa luzean. Visca Catalunya!, beraz.

Aldeko 122 boto, 49 abstentzio eta aurkako botorik gabe onartu du Biltzar Orokorrak ebazpena. Munduan ia 900 milioi pertsonak ez dute ur garbia lortzeko modurik, oinarrizko osasun zerbitzuak eskuragarri ez dituztenak 2.600 milioi diren bitartean.

Honelako itxura zuen Bartzelonako Nou Campek iazko ekainaren 30ean, U2ren 360ºturra abiatu zenean. Hello Barcelona, hola España! entzunez hasi zen kontzertua. Borobilean eskaintzen zuten 360º bira, beraz, ez zen era hain borobilean hasi niretzat. Antzik ez Donostiako 1,2,3, hamalau! Harekin… Oroitzen?

Uda ia guztietan bezala portugalgo Carabela delako medusa, edo zehatzagoa izanda, sifonoforoa gure hondartzetara iritsi da. Sekulako triskantza egin du, bestela, begira Diario Vascon atera den tipo honen zauriei! Haurrak alboan badituzue, mesedez, begiak estali…

Aldeko 68 eta kontrako 55 botorekin, gehiengo osoz onartu zuen atzo Kataluniako parlamentuak zezenketak debekatzeko Prou! plataformak sustaturiko herri legegintza ekinbidea. Debekua 2012ko urtarrilaren 1ean sartuko da indarrean.

Irriparre zorrotzenak ere kamusten ditu denborak. Duela hilabete batzuk elkartu ginen optimista talde bat web-orri honetan bertantxe. Hipotesi ugari botatzen genituen, alegera, unean unekoak kontuan harturik; Mayor Orejak hura esan zuela, besteak hau eta hark bestea…  Uztaila amaitzear dagoen honetan ordea, ez da ezer esanguratsua gertatu. Eta itxaroten jarraitzen dugu.