Larunbatean jokatutako XI Telefonica Bandera Castrok traineruak irabazi zuen, nagusitasun handia erakutsiz. San Pedro, bigarren. Igandean, berriz, Navaleko Mendeurrena Banderan, gauzak alderantziz izan ziren. San Pedrok irabazi zuen nagusitasunez, eta Castro bigarren. Ondorioz, lehen postuan berdinduta bukatu dute TKE San Miguel Ligako lehen asteburua La Marinera eta Libiako mutilek. Ematen du, traineru bi hauek gainerakoak baino koska bat gorago daudela, hasiera honetan behintzat.

Hirugarren postuan, Hondarribi. Ama Guadalupekoa hirugarren izan da asteburuko bandera bietan, hau da, sendo eta erregular agertu dira bai larunbatean zein igandean ere. Eta atzetik, Urdaibai, Orio eta Zumaia, gora behera gehiagorekin.

TKE San Miguel Ligako lehenengo bi estropadak Nerbioi ibaian jokatu dira eta faboritoak erakutsi dute zergatik diren faborito. Hurrengo lau estropadak Galiziako uretan jokatuko dira, eta han hasiko gara ikusten faboritoen artean zeintzuk diren indartsuenak.

SAILKAPENAK:

XI Telefonica Bandera – GP Villa de Bilbao, uztailak 4, larunbata:

1.- Castro   20:14,02
2.- San Pedro   20:19,36
3.- Hondarribia  20:28,32
4.- Pedreña   20:28,46
5.- Orio   20:30,32
6.- Zarautz   20:34,74
7.- Urdaibai  20:35,28
8.- Zumaia   20:36,00
9.- Tiran   20:38,18
10.- Kaiku   20:46,14
11.- Samertolameu  20:56,38
12.- Arkote   21:16,56

Navaleko Mendeurrena Bandera (Portugalete), uztailak 5 igandea:

1.- San Pedro   19:04,88
2.- Castro   19:13,77
3.- Hondarribia  19:16,76
4.- Urdaibai   19:17,89
5.- Zumaia   19:24,18
6.- Kaiku   19:24,57
7.- Orio   19:24,97
8.- Zarautz   19:26,87
9.- Pedreña   19:29,19
10.- Tiran   19:30,91
11.- Samertolameu  19:31,52
12.- Arkote   19:38,44

TKE San Miguel Ligako sailkapen nagusia:

1.- San Pedro   23 puntu.
2.- Castro   23 puntu.
3.- Hondarribia  20 puntu.
4.- Urdaibai   15 puntu.
5.- Orio   14 puntu.
6.- Zumaia   13 puntu.
7.- Pedreña   13 puntu.
8.- Zarautz   12 puntu.
9.- Kaiku   10 puntu.
10.- Tiran   7 puntu.
11.- Samertolameu  4 puntu.
12.- Arkote   2 puntu.