zuzeu.com — AthleticTromsø /TromsøAthletic: Postari/polizia ikurrinzaleak

AthleticTromsø /TromsøAthletic: Postari/polizia ikurrinzaleak

Asteazkena, 2009/08/19 @ 00:50 Dot Iñaki Olano

Gaur jaso du Karasjok hirian nire lagun sami-ak Gasteiztik abuztuaren 12an premiazko tarifa ordainduz bialdutako paketea, AthleticTromsø /TromsøAthletic partidei begira bialdutako oparia. Ikurrina bat. Baina paketea irekita eta hutsik ailegatu zaio. Norvegiar postariak ez ditut imajinatzen halako “azio”tan. Beste batzu bai, are gehiago jakinda posta-zerbitzuen barruan gutun eta pakete susmagarrien miaketan polizia dabilela.

cc-by:oswaldo

Akaso zertifikatua bialdu behar nuen baina okurritu ere ez hau egingo zigutenik. “Azio”aren egileak nik uste dudan hoiek izan badira behinipein, badakit paketea zergatik ireki eta hustu duten. Bidaltzaile gisa atzerrirako postari jartzen diodan helbidearengatik.

Oso dibertigarria da, Belfast.etik argitaletxe batek igorri zizkidan liburu-paketeetan ikasi nuen.

Ez dut jartzen, demagun… Gipuzkoa (SPAIN) baizik eta Gipuzkoa, EH (via spain).

Horrek amorrarazten ditu. Noiz edo noiz konstituzionalki zuzendutaailegatu zaizkit halako helbide-testuak.

Beno, bihar beste ikurriña bat erosiko dut eta ostegunean Bilboko partidu atarian Aste Nagusiaz gozatzen ariko den zale sami bati emango diot, nire lagunari helarazi diezaion.

Lagun bati bidali Inprimatu

PARTEKATU:

Iruzkinak(3 iruzkin)

Idatzi zure iruzkina

Jakue
2009/08/19 @ 02:05

“Inma, pinchos, raciones y bocaditos” tabernako jabeen semea lanbidez postaria dela entzun dut…

(barka txantxa txar honengatik, baina Sustakoa eta hau jarraian irakurri ditut, eta horixe etorri zait burura)
Zick
2009/08/19 @ 12:10

Spain hitz osoa jarri gabe ere iristen dira, adibidez:
E-48700 Ondarru. Euskal Herria (Europe).
Dirudienez E hori espainiar estatuari dagokion letra da.
iñakic olano
2009/08/20 @ 07:54

Correos.era bialdu dut nire kexua, azalpen eta kalteordainak esijituz.

Karasjok.eko nire lagunak gauza bera egingo du, baina gainera Norvegiako poliziaren aurrean salaketa jarriko du, ea “azio”aren pista noraino heltzen den.