Hutsune guztiak beharrezkoak dira.
Asteartea, 2010/01/26 @ 10:12 
A. Etxaniz
Atarian irakur daitekeenez, hiritartartasunaren parte hartzea du helburu Lopezen gobernuaren sareko baliabide berri honek. Atzo aurkeztu zuen lehendakariak Irekia eta administrazioarekin "bitartekaririk gabe" harremantzeko tresna izan nahi du. Lehen balorazioak berandu baino lehen bildu ditugu.
Euskobarometroak abenduaren amaieran eskainitako emaitzak iraultzeko, Lopezen gobernuak marketing eta komunikazio kanpaina indartsua abiarazi du. Emilio Alfaroren fitxaketa ere testuinguru horretan kokatu behar da. Honek zenbait aldaketa ekarri ditu Lopezen agerpenetara, nola kalitatean hala kantitatean.
Lopezen jarrera berria, Jaurlaritzaren tesi nagusiarekin lotuta egon daiteke: jendeak gobernu aldaketa azkar asumitu duelako hau behar bezala ez baloratzeaz gainera, herritarrei Jaurlaritza berriaren lorpenak helarazten ez da asmatu.
Osatuko ote du bigarren akats hori Irekia honek?
Irekia
Herritarrak administrazioarekin duen harremana hobetzeko tresna gisara aurkeztu da. Open Government eredua ekarri nahi du Lopezek bere funtzionatzeko moduetara, baina ondo legoke Euskobarometroaren emaitzek Irekia honen abiaraztea azkartzeko orduan zenbateko eragina izan duten jakitea.
Aurkezpenen ondoren, balorazioetarako unea heltzen da, eta Cybereuskadi gunean aldeko eta kontrako puntuak ikusi dizkiote.
Blogetan lehen balorazio azkar batzuk irakur daitezke:
ZuZeularietan inork baliatu al du tresna berri hau?
Irekia, Gobernuaren ekimen berria, Jaurlaritza, LGPL
GAIAK: Jaurlaritza komunikazioa Lopez marketing
PARTEKATU: 
Bazkide teknologikoa:
Albisteak
Iruzkinak(8 iruzkin)
Idatzi zure iruzkina
2010/01/26 @ 15:21
Nik komentario ttiki bat bakarrik: gunearen izena ez da “Irekia”, bertara sartu eta aztertzen badugu, edozein hizkuntzatan sartuz gero, “Irekia Gobierno Abierto” dela ikusten du, hau da eukerazko hitz bat eta gaztelerazko azalpena.
Eta hemen jarritako loturetan egin diren azterketa guziak gazteleraz egin dira.
2010/01/26 @ 19:41
“hiritartartasunaren parte hartzea”????
herritarrek parte-hartzea nahiz herritarrek parte hartzea izango da, ezta?
2010/01/26 @ 19:42
barkatu, herritarren parte-hartzea nahiz herritarrek parte hartzea esan nahi nuen.
2010/01/26 @ 20:50
Badira gaiari buruz euskaraz idatzi duten blogariak…
2010/01/26 @ 23:12
Irekia-ren euskarazko aurkezpen-bideoan ikusten diren webguneko irudi guztiak ere gaztelaniazko bertsiotik hartutakoak dira.
2010/01/27 @ 09:20
Egia da, Haritz. Hau idatzi nuenean ordea, atzo goizeko 10:00etan, ez nuen halakorik aurkitu. Link interesgarririk eman ahalko bazenit, gusto handiz osatuko nuke artikulua. Mila esker.
2010/01/27 @ 19:13
Gaztelumendik idatzi du bere blogean
Eta nik neuk, aspaldiko partez, neurean .
Ez dakit besterik ba ote dagoen geure hizkuntzan.
2010/01/27 @ 19:16
Gaztelumendik idatzi du bere blogean:
http://www.larrabetzu.org/gaztelumendi/?p=1272
Eta nik neuk, aspaldiko partez, nirean: http://www.gaur8.info/bitakorak/galaxia/2010/01/26/237/
Ez dakit besterik ba ote dagoen geure hizkuntzan.
Editorearentzako oharra: Ezaba dezakezu ohar hau bera eta aurreko iruzkina mesedez?
Idatzi hemen zure iruzkina
Oharra: derrigorreko datuak izartxoz (*) ageri dira.
Bidalketa honi trackback egiteko URI helbidea
Bidalketa honen iruzkinen RSS jarioa