Euskara Entitate Publikoetan jardunaldia burutu du Eusko Jaurlaritzak
Euskarak Sozietate Publiko eta Zuzenbide Pribatuko Erakunde Publikoetan ere tokia duela bermatzeko eta euskararen normalizazioa bultzatzeko asmoz egin da Euskara Entitate Publikoetan ekimena, Miñaon (Araba). Hala, jardunaldiarekin, lan-esparru horretako pertsonen arteko harremana estutzea ere nahi izan du Eusko Jaurlaritzak. “Herritarrei zerbitzu onena” emateko asmoz bildu dira 120 parte hartzaile inguru.
