Goikuriako San Pedro atzo eta gaur
Bilboko Burdin Hesia osatzen duten elementu ia ezezagunen bilaketa eta katalogazioak ez dute etenik. Uztailaren 9ko datarekin Sancho de Beurko elkarteko lagunekin Güeñesko Luxar, Taramona eta Goikuriako San Pedro inguruetan bertako aztarnak ikuskatzen jardun ginen.
Indalecio Ojanguren handiak 1937ko udaran hartutako argazkiak oinarri hartuta, berak bisitatutako lubaki lerroek 2013ko uztailean duten itxura ikuskatzeko aukera izan genuen: aurretik jasota genituen GPS koordenadak jaso eta zuzendu, elementu berriak eta ezezagunak aurkitu… eguzkipean ittotzeraino buffff…
Goikuriako San Pedroren gailurrean kokatzen zen lubaki lerroa, Bilboko Burdin Hesiko beste elementuak ez bezala, lurrez eta pinu enborrez osaturik zeuden, material eskasak beraz denboraren iraganari eusteko: Elementuak guztiak aspaldi desagertu ziren. Gaur egun, lurrean pikatxoi eta palaz irekitako lubaki lerroa baino ez da geratzen.
Bejondeizuela!
Gure aurrekoen historia azalarazteagatik.
“Izan zirelako gara, garelako izango dira”.
Ta bertan dago!
Argazki bidez denboran bidaia polita. Ibilbideak ederra behar du izan kontakizunaren haria segiz. Bejondeiala! 🙂
Bilboko Burdin Hesiak Enkarterrin dituen elementu asko 1937ko udaberrian bere horretan utzi ziren bezala diraute oraindik: Ez dira “Omaha Beach”n dauden bunkerrak bezalakoak, bainan hauek gurean ditugu.