“Ideia berriak” 2

    2011-05-12 Mikel Peruarena

    Zabortegien parean egotetik 0,003 puntutara. Estandar hori zehazteko sortu zen R1 formula. Dieter Reimann doktoreak garatu zuen. Bamberg errauste plantako (Alemania) zuzendaria da Reimann, baita CEWEPeko aholkulari ere. Eztabaida ugari eragin ditu formulak eta haren aplikazioak. Gaur egun, lege izaerarik ez badu ere, Europako Batasunak estandarrerako irizpide gisa onarturik dauka, eta Espainiako Gobernua lege zirriborro […]

    Iruzkinik ez

     

    “Ideia berritzaileak” I

    2011-05-10 Mikel Peruarena

    Laster hasiko dira eraikitzen Gipuzkoako kartzela berria, Zubietan, errauste plantaren aldamenean. Eta hortxe altxatuko dira industrialde bat eta Loiolako kuarteleko militarrentzako egoitza berria ere. Kasualitatea ote da errauste plantaren aldamenean eraikitzea horiek denak? Ez du itxurarik.

    Iruzkinik ez

     

    Zeinek erre nahi ditu hondakinak? (eta 18)

    2011-04-19 Mikel Peruarena

    «Hanburgoko industrialentzat, zaborrak energia esan nahi du». Goiburu adierazgarri hori aukeratu zuen Cinco días ekonomia kazetak, duela bost urte, Alemaniako hiri hartako hondakinen kudeaketari buruz hitz egiten zuen artikuluarentzat. Gizarte garaikidean bihurtu dira hondakinak arazo, ondo gutxira arte ez baitzen hondakinik sortzen; dena aprobetxatzen zen, plastikorik eta bestelako gai arriskutsurik apenas ere sortzen zen eta.

    Iruzkinik ez

     

    Nork erre nahi ditu hondakinak? (17)

    2011-04-12 Mikel Peruarena

    Lehen arrazoiketa. 2001ean Valladoliden (Espainia) egin ziren Zaborraren maitaleen topaketak; han hitz egin zuen Miquel Crespo i Ramirez, ISTAS(72) Lanaren, Ingurumenaren eta Osasunaren Laneko Institutuko kideak: "Teknikoki oso ondo egituratua dagoen eta Europako eta Espainiako ingurumen administrazioen artean ospe handia duen iritzi korronte bat existitzen da, hondakin frakzio ugari erregai gisa (balioztatze energetikoa) erabiltzea sustatzen duena. Hondakin politiketako lehentasunei buruz (murriztea, berrerabiltzea, birziklatzea, materiala berreskuratzea, energia berreskuratzea) dagoen onarpena eta jarduera ez da itxurazko adostasun bat baizik. Ardurak dituzten administrazioak motel eta baliabiderik gabe aritzen dira enpresetan hondakinak murrizteko planak sustatzeko orduan. Baina arduraz aritzen dira erraustea bezalako azken muturreko tratamenduak bultzatu eta ezartzeko orduan; horretan bai, badago elkarlana, zementuaren enpresen estrategia erretzaileen aldetik."

    Iruzkin bat

     

    Zeinek erre nahi ditu hondakinak? (16)

    2011-04-05 Mikel Peruarena

    Hondakinak nola biltzen diren, hori da gakoa. ESB edo erregai solido berreskuratuen produkzioarentzat «faktore erabakigarri» dira bilketa selektiboa eta prebentzio politikak, Santiago Palomino ISRko zuzendari teknikoaren esanetan. «Hiri hondakinen sorrera eta kudeaketa, batik bat errefusaren frakzioarena» oso inportantea da, eta erraz da ulertzen zergatik. Hondakin gutxiago sortzen badira, eta errefusa gutxitzen bada, ESB horiek produzitzeko lehengai gutxiago sortuko dira. «Errefusaren frakzioa gutxituko duten prebentzio eta birziklatze planek» ere eragiten diete, «baina gutxitze horrek ESB produkzioari eragingo lioke bakarrik birziklatze tasa oso altuekin». Gutxi birziklatzen den bitartean, beraz, ez dago arazorik ESB horiek sortzeko, ISRko kideak dioenez.

    2 iruzkin

     

    Nork erre nahi ditu hondakinak? (15)

    2011-03-29 Mikel Peruarena

    Europako Batasunak 2016 urterako ezarritako helburuak lortu ditu ja Bizkaiak. 2009an %6,3 egin zuen behera herrialdean sortutako hondakin kopuruak ?42.448 tona gutxiago sortu ziren, nahiz eta herrialdean 6.200 pertsona gehiago bizi ziren—. 1995ean zabortegietara bota ziren hondakinen %35 bakarrik bota daitezke zabortegietara 2016an, Europako Batasunaren aginduen arabera; Bizkaian, 2009an, %34,8 bota ziren eta helburua bete du, hortaz.

    Iruzkin bat

     

    Nork erre nahi ditu hondakinak (14)

    2011-03-22 Mikel Peruarena

    Eman dezake lauzpabost guru eta liderren kontua dela hondakinak erretzea, eta ez da hala, ezta inondik ere. Artikulu honen asmoa zen aztertzea zergatik erabakitzen den hondakinak kiskaltzeko politiken alde, zergatik instituzioek erabakitzen duten praktika garesti eta arriskutsuen alde, eta hori jakiteko lagungarri izan daiteke zenbait pertsonak, haien arteko harremanak eta haiek gidatzen dituzten erakunde publiko eta pribatuen arteko harremanak ezagutzea. Artikulu honetan ageri diren izen-deitura propioak, izozmendiaren muturra baino ez dira. Izan ere, Xabier Garmendia ez dago bakarrik; baditu adiskideak, esate baterako, Emiliano Lopez Atxurra.

    Iruzkin bat

     

    Nork erre nahi ditu hondakinak? (13)

    2011-03-15 Mikel Peruarena

    Udan eztabaidagai izan da nola fusionatuko diren Tecnalia osatzen duten ikerketa taldeak, non kokatuko diren egoitzak, eta zein diputaziori ordainduko dizkioten zergak. Ez da broma: Europa hegoaldeko ikerketa korporazio handiena izango da Tecnalia, fusioa eta gero. Inasmet, Labein eta Robotiker teknologia zentroek abiatu zuten, 2001ean, Tecnalia. Geroztik, Fatronik, Cidemco, Azti, ESI European Software Institute eta Neiker gehitu zaizkio. Laster batean, Euve eta Leia batuko dira. (Honakoa, Nork erre nahi ditu hondakinak sailaren 13. atala da)

    2 iruzkin

     

    Zeinek erre nahi ditu hondakinak? (12) [Endogamia]

    2011-03-08 Mikel Peruarena

    «Zementuaren munduan lanean hasten dena ez da inoiz handik ateratzen, bere bizitzan fraguatua gelditzen da». Agustin Iturriaga hogei urtez izan da Bizkaiko Industria Ingeniarien Elkargo Ofizialeko dekanoa. Omenaldia egin zioten 2008ko martxoaren 15ean, eta orduan esan zituen hitzok.

    Iruzkin bat

     

    Zeinek erre nahi ditu hondakinak? (11)

    2011-03-01 Mikel Peruarena

    Nicolas Gaminderen lantegia, Cementos Lemona, 2001ean hasi zen pneumatikoak erretzen bere labeetan(49). Baina aspaldikoa da Lemoako lantegiaren lehen ahalegina, 1996an hasi baitzen proba pilotuak egiten, jatorri ez fosileko bestelako erregaiekin. Emaitzekin gustura gelditu bide ziren: harrezkero, hamar urtean, 50.000 tona pneumatiko erre dituzte. Cementos Lemonak kilometro gutxira dago Neuciclaje SA enpresaren planta, Xabier Garmendiak 1997ko apirilean sortu zuena, Eusko Jaurlaritzako Ingurumen Saila utzi ostean.

    2 iruzkin

     

    Zeinek erre nahi ditu hondakinak? (10)

    2011-02-22 Mikel Peruarena

    Orain gutxi arte Cementos Lemonako zuzendari nagusi izan denak, Nicolas Gamindek, zementuaren industriaz haragoko eragin eremuak ditu. Oficemen zementu industriaren patronaleko Baliabide, Teknologia eta Ingurumen Batzordeko presidente izan da. Aclima Euskadiko Ingurumen Industrien Klusterreko lehendakariorde kargua eduki zuen(44). Tecnaliako presidente izan zen 2003 arte. Ezin da ahaztu, bestalde, FCC taldeko filialetako bat dela Cementos Lemona. Eta gutxi balitz, ISR fundazioko lehendakariordea izan da. Aurten 69 urte egingo ditu, eta Cementos Lemonan zuen kargutik erretiroa hartua du. Bilbon ikasi zuen ingeniaritza industriala, eta ikasketak bukatu aurretik hasi zen enpresa horretan lanean; ia mende erdi bat egin du bertan.

    2 iruzkin

     

    Zeinek erre nahi ditu hondakinak (9)

    2011-02-15 Mikel Peruarena

    Auzo aspergarri bat, CO2 deritzona.

    Antza, arrakasta izan dute Al Goreren eta Josu Jon Imazen predikuek, eta industriak barneratu egin du, azkenean, beste arazo bat ere baduela, energia horniduraz eta ekonomia krisiaz aparte, edo horiekin batera: CO2 isurketak.

    Iruzkin bat

     

    Zeinek erre nahi ditu hondakinak (8)

    2011-02-08 Mikel Peruarena

    Zementuaren indarra.

    Pneumatikoak, araztegietako lohiak, etxetresna elektrikoak, plastikoak… Zementuaren industria ez dago prest milaka eta milaka tona hondakin, labeetan aprobetxatu litezkeenak, bere erregaien %37 izatera hel daitezkeenak, alferrik galtzen uzteko. Euskal enpresak «aitzindari» izan dira hondakinak usteltzen ez uzteko zeregin horretan.

    2 iruzkin

     

    Zeinek erre nahi ditu hondakinak (7)

    2011-01-25 Mikel Peruarena

    Amodiozko istorio bat, zementu eta hondakin artean.

    Nola sortu da zementuaren eta hondakinen arteko amodiozko istorioa? Oficemen elkarteko Ingurumen eta Teknologia zuzendari Pedro Mora Perisek hitzaldi batean erantzun zuen galdera hori, oso argi eta zehatz erantzun ere, 2009ko urte bukaeran, Iruñeko Baluarte Jauregian: «Ezin diogu geure buruari onartu gure hondakinen %60 zabortegietara bidaltzea, haietatik oso beharrezkoa zaigun energia lor dezakegunean».  Xabier Garmendiak ematen dituen ehunekoekin eta diskurtsoarekin duen antza harrigarria da?

    Iruzkin bat

     

    Zeinek erre nahi ditu hondakinak (6)

    2011-01-18 Mikel Peruarena

    Baita Nafarroan ere.

    Gipuzkoan errauste planta bat eraikitzeko asmoa dagoela jakin zuelarik, halaxe galdetu zuen duela hilabete batzuk Euskal Herrian izan zen katalan batek: «Inguruan ba al da zementu industriarik?». Bai, bada: Cementos Rezolak Añorgan (Donostia) du fabrika, Gipuzkoako Foru Aldundiak errauste planta eraiki nahi duen lekutik hamar kilometro baino gutxiagora. «Katalunian, errauste plantak dauden tokietan, zementuaren industria dago», bota zuen katalanak.

    Iruzkin bat