Uztailak 31 arte Andoaineko Txitibar tabernan ikusgai  egongo da Begiradak argazki erakusketa, Dabid argindar argazkilariaren argazkiak.   Kartelan ekainak 30ean bukatzen dela jartzen du, baina uztaila osoan egongo da ikusgai)   ?http://www.argindar.com/galeriak/txitibar/paisaiak.html

“Desegokia eta lar esplizitua” da Scissor Sisters taldearen azken lan “Night Work”en karatulako argazkia Facebooken begietan.

Bi argazki kamera konpaktu eta etxean eginiko puxika zunda batekin nahikoa izan du Colin Richek espazioko argazki ikusgarriak ateratzeko.

Hiru milioi dolar baino gehiago ordaindu zituzten argazki batengatik. Eta historian bi argazkik gainditu dute, hain zuzen ere hiru milioiko muga hori. Andreas Gurskyren ’99 Cent II Diptychon’ argazkia da historiako argazkirik garestiena.

Estatu Batuetako prentsako argazkilarien erakunde nazionalak urteko argazkilari izendatu du Emilio Morenatti. Associated Press-eko argazkilaria, lanean hastear da, iragan urteko abuztuan Afganistanen bonba baten erruz oin bat galdu ostean kamera albo batera utzi behar izan baitu zenbait hilabetez. Hona hemen Morenattiren hainbat argazki:

Komunikabideetan irudi latzak ikustera ohitu gara (komunikabide jakin batzuetan, batik bat). Hainbatek begirada urruntzeko keinua egin ohi du, beste batzuk aldiz, irudi gogorrak arretaz aztertzen dituzte. Zer ezkutatu ohi da, ordea, argazki horien atzean? Morboa ala informazioa? Eta gure begiradaren atzean?

Accringtownen (Erresuma Batua) argazkiak egiten ari zela, poliziak, Bob Patefield atxilotu zuen. Terrorismoaren aurkako legediaren izenean galdekatu zuten eta honek argazki kamerarekin atxiloketaren unea grabatu zuen. Gertaera hori ordea, ez omen da hain arraroa Erresuma Batuan, poliziak behin baino gehiagotan atxilotu baititu argazkilari zaletu zein profesionalak, terrorismoaren aurkako legearen babesean. 'I'm a photographer, not a terrorist' kanpaina ere jarri zuten abian, poliziaren gehiegikeriak salatzeko

Phillip Toledano artistari edertasuna interesatzen zaio. Edertasuna norberak aukeratzen duenean; bisturi eta ebakuntzen bidez norbere itxura erabakitzen denean. Argazki bilduna honetan edertasun hori bildu du.

Iragan mendeko 50eko hamarkadan ekin zion Alberto Schommerrek (Gasteiz, 1928) argazkigintzari. Ordutik, genero ugari landu ditu, garaian garaiko korronte artistikoak bizi izan ditu eta milaka eta milaka argazki egin ditu. Bilboko Arte Ederren museoan, gasteizko argazkilariaren emariaren zatitxo bat bildu dute, 1952tik 2009ra eginiko lanen atzera begirakoan.

Hotza egiten duela eta etxetik ateratzeko gogorik ez duzula? Ez aspertzeko hona hemen ideia bat: