Isabel Celaák eraso berri bat abiatu zuen atzo hezkuntza esparrutik. Helburua euskara eta Euskal Herria beraiek izanda erantzunak jaso ditu jada hezkuntza mugimendu eta alderdi zein sindikatu abertzaleen aldetik. Celaáren proposamena sinplea da: hemen terrorismoa dago eta horri erantzuteko euskara murriztu behar da eta historia aldrebestu. Euskara eta euskal kulturaren aurka ekiteaz gain ez dute nahi irakastea Euskal Herriak izan duen historia eta gaur egun duena.

Azkenaldian iritziak entzun dira nonahi, gobernu abertzale eta ez abertzaleen izaeraz. Patxi Lopez lehendakariak bere kargu berriari zin egin zion egunean, Jose Antonio Pastorrek espreski aipatu zuen, Trantsitzioa ixten zuela gertaera horrek, Euskadin eta Espainian.