Michel Camilo, latindar jazzeko musikari entzutetsua izango da Euskadiko Orkestraren KlasikAT ziklo berria abian jarriko duena. KlasikAT ekimena Orkestrak denboraldi berrirako eginiko apostu handia da eta, izenburuak berak iradokitzen duen bezala, musika klasikoaz aratago doazen errepertorioak lantzea du helburu, horretarako Orkestrak artista ezagunak bidelagun izango dituelarik. Kontzertuak honako egunotan izango dira: irailaren 7an Bilbon, 8an Iruñean, 9an Donostian eta 10ean Gasteizen.

Pedro Usabiagak diseinatu du aurtego Kontxako Ikurriñaren kartela.

Nahiz eta Donostiarra izan, Jazzaldira ez naiz gehiegi hurbiltzen, aurten argazki batzuk ateratzera hurbildu naiz eta argazkiak ateratzeaz gain “The Very Best” talde afrikarra-ren erritmoekin gozatu  nuen, baita mugitzeko erarekin, argazkientzako oso estetikoak bait ziren, kontzertuan atera nituen argazkiak erakusten dizkizuet, baita Youtuben aurkitutako bideo bat.

Gaur jendetza izan da Donostian “Nazio bat gara, autodeterminazioa!” leloa zuen pankartaren atzean. Hona hemen erreportaje grafiko bat. Manifestazioa iruditan.

Ez da giro Donostia aldean hiria eta probintziarentzat "estrategikoa" eta "ezinbestekoa" behar zuen egitasmo handia "birpentsatzea" eta "lanak pausatzea" proposatu duenetik Odon Elorza alkateak, hiru ugazabetako batek, alegia. Honek guztiak, "gerra" hitza erabiltzera eraman zuen Diario Vascoko kazetari bat eta horrexek gainezkatu du, antza, denen ahotan dabilen Tabakalerako zuzendariaren edalontzia, ez baita maiz eta asko mintzatzen den horietakoa.

We are Standard talde getxoztarra izango dugu gaur Abuztuak 14 Ostirala DOKA Donostiako Kafe Antzokian. Kontzertua gaueko 23.15tan hasiko da punttuan. Anima zaitez eta zabaldu berria! Informazio gehiagorako egin klik hemen

Bilboko metroak izandako harrera ona ikusita, Patxi Lopezek gidatzen duen Eusko Jaurlaritzak pentsatu du Donostiak ere bere metropolitanoa izan dezakeela. Lau kilometro inguruko bidea izango luke, 6 geltokirekin eta 700 milioi euro inguruko gastuarekin. Gauzagarria al da honelako proiektu bat?

Gaur hasi eta uztailaren 26ra bitartean, goi mailako jazz musika entzuteko aukera izango dugu Getxo, Gasteiz eta Donostiako jazzaldietan. Chano Dominguez, Wynton Marsalis, Joao Gilberto, Hank Jones, Charlie Haden… Eskaintza zabala eta erakargarria dute, aurten ere, jazz zaleek.

Lehen mailara itzultzearen ametsak ihes egin duen arren, Realak ospakizunetan darrai, ehun urte ez baitira egunero betetzen. Atzo arratsaldean aurkeztu zuten Donostiako Victoria Eugenia antzokian txuri-urdinen mendeurreneko abestia, Andoni Egaña eta Mikel Erentxunek sortutakoa. Inkesta prestatu dugu Zuzeun. Gustatzen zaizu abestia?

Eguraldi onarekin batera, Donostiako kultura eskaintza zabaltzen da. Jazzaldia, Musika Hamabostaldia, Aste Nagusia eta Zinemaldia bezalako jaialdiak iritsi bitartean arte eszenikoekin has gaitezke gosea pizten.