Hiritarrei minareteen eraikuntza eta belo islamiarraren erabilera debekatzearen alde daudenetz galdetzeko erreferendum bat eskatu du FPO (Austriako Askatasunaren Alderdia) alderdi ultraeskuindarrak.

Isabel IIa erregina britainiarra hiltzen denean Australian errepublika ezartzea proposatu du herrialdeko lehen ministro Julia Gillardek.

Uriberen berrautaketa ahalbidetuko duen Konstituzioaren erreformarako tramiteak onartu ditu Kolonbiako senatuak. Beraz, kolonbiarrek euren egungo presidentea datozen bozetara aurkeztu ahal izango den edo ez erabaki ahal izango dute. Evo Morales, Hugo Chávez eta Manuel Zelayak antzerako bidea burutu zuten, ez oztoporik gabe, ordea. Azkena estatu kolpe bidez kargutik kendu eta bere herrialdetik bota zuten.