Gipuzkoako Foru Aldundiak, krisi ekonomikoak bere kutxan utzi dituen ondorioak direla eta, diru irteerak murrizteari ekin dio. Eta nondik moztuko, eta ohikoa denez, kulturatik. Atzerriko musika talde independienteak ezagutzera emateko plataforma ezin hobea zen Gaztemaniak. Bere eskutik etorri ziren The Clientele, Steve Wynn, Stacey Earle, Mark Kozelek edo South San Gabriel bezalako taldeak.

Krisi garaian aurrekontuak estutu beharrean izaten gara. Politikariek, guk gure etxeko kontuekin egiten dugun bezala, diru publikoa modu berezian zaindu behar. Beraz, guraizeak non sartzen diren, hortxe dago gakoa. Kulturak mozketarik jasango ez zuela esan zuten lehenik, ondoren dagoen diruarekin ahal bezala moldatu beharra dagoela eta azkenik hainbat proiektu diru gabe geratzen direla ikusi dugu. “Gaztemaniak” kontzertu programa izan daiteke kulturaren krisiaren azken biktima.