“Odisea: Itsaso Joniarra belaontzian” bidaiko hirugarren kapituluan, Korintoko Kanalarekin batera Egeo Itsasoa atzean utzi eta Joniarrean barneratuko gara, Lefkadara bidean. Bi portu ezagutuko ditugu gaur. Kostaldeko Kiato herria, eta Trizonia uhartea. Azken honetan, “varkalas” izeneko itsasontzi greziar tradizionala nolakoa den ikusi ahal izango dugu.

“Odisea: Itsaso Joniarra belaontzian” izeneko bideo sortaren bigarren kapitulu honetan, bidaiko unerik esanguratsuenetako bat biziko dugu Grezian. Korintoko Kanala zeharkatuko dugu belaontzian. 6,3 kilometroko luzera, 21 metroko zabalera eta 8 metroko sakonera dituen bidezidor hau Istvan Türr ingeniariak eraiki zuen 1881 eta 1893 artean.

Tokitan.tv-n “iraupen luzeko” lehen bidaiari ekingo diogu gaur. 2009ko ekainaren hasieran belaontzian burututako astebeteko odisea txikia, Itsaso Joniarrean (Grezia). Korintoko kanala gurutzatuko dugu, Itaka eta Fiskardo bisitatu, eta Meteorako monastegietara (Mazedoniatik gertu) iritsiko gara, besteak beste. Honakoa lehenengo kapitulua da, Alimos hiriko Kalamakis portutik itsasoratu ginenekoa.

Lafitenia Getari eta Donibane-Lohizune artean dagoen hondartza bat da (Lapurdi). Jende ugari elkartzen da bertan surfa egiteko, olatuak “world class” bezala sailkatuak baitaude. Tokitan.tv itsasoan murgilduko da gaur.

Hona hemen itsasoaren indarraren inguruko bideo eder bat. Itsasargiek jasaten dituzten astinduak ageri dira bertan, itsasoaren aurrean gure txikitasunaren adierazgarri gisa:

Baleazale japoniar batzuek, Sea Sheppherd, itsasoak babesteko elkartearen AdyGil, ontzia matxuraturik aurkitu dutenean, eraso egin diote bere baitan eskifaia zeukanean. Ondoren alde egin du begiratu ere egin gabe zer kalte eragin dituen. Hori guztia ozeanoaren erdian.

Egunotan itsasoa notizia bilakatu zaigu. Batetik Somaliako uretatik datorzkigu berri lazgarriak, azken egunotan piratek bahitutako Alakrana ontziko marinelak askatzeko negoziazioak gaiztotu egin baitira. Bestetik gurean ere itsasoari begira jarri gara, kantauri itsasoa haserretu egin baitzaigu nonbait eta olatu garaiek argazki politak marraztu baitituzte, beste behin. Baina itsasoa notizien iturri soilik ez dugu, baita hainbat eta hainbat kantu ederren inspirazio iturri. Hona itsasoari buruzko zenbait kantu.

Zetazeoak dokumentaletan ikustera ohituak gauden arren, gure itsasoan ere maiz agertu ohi dira jolasean. Hona hemen Uztailean filmatutako bideo eder bat.

Urtero, uda iritsi orduko, Zarauzko herria kanpotarren betetzen da. Kanpotar hauetatik asko bertako olatuengatik dator, Surfaz gozatzera, kirol hawaiarra praktikatzera kantauriko uretan. Nolabait zarauztarren kulturaren parte handi bat hartzen du praktika honek, aspaldidanik baita ohitura taula gainean olatuetan dantza egitea. Atzo jokatu zen 16 urte azpiko Europako Quicksilver Surf Txapelketaren Finala, eta herrian ikusi ahal izan ziren etorkizunean punta-puntako surflariak izango diren gaztetxoak.

Atzo ospatu zuten Joan Sebastian Elkano itsasgizon getariarraren lehorreratzea. Berezia izan zen, izan ere, 800 urte bete ditu Getariak Gaztelako Erreinuak hiribildu izendatu zuenetik eta , hori gutxi balitz, lehen aldiz ‘Nao Victoria’ untziaren erreplikak bota du aingura herriko portuan.