Gogor dabiltza kataluniarrak aspaldion. Orain independentzia eskatzen duen lip-dub tankerako klip batekin irabazi dute leihaketa; eta Joan Laporta, Barçaren presidente izandakoak, estatu bat sortzeko apustuaren zoriona bizi duela dio, Vilaweb agerkariak gaur bertan argitaratutako elkarrizketa luzean. Visca Catalunya!, beraz.

Espainiako futbol selekzioak lortutako garaipenak ospakizun ugari utzi du azken aste honetan. Ajea gainditu gabekorik izango da, baita gurean ere. Asko gara, ordea, zer ospaturik ez dagoela sentitzen eta pentsatzen dugunak. Sentipen horren oihartzuna zabaldu da nazioartera ere.

Kataluniaren nazio identitatea eta autodeterminazio eskubidea aldarrikatuko duten milaka lagunek beteko dute Bartzelonako eixamplea gaur arratsaldeko seietatik aurrera.

Lluís Danés zuzendariak, Lluís Llach-en kantuak iradokita,  ‘Somniem’ spota laboratu du. Herrialde Katalanetako aurpegi ezagunak agertzen dira bideoan; besteak beste, Enric Massip, Cesk Freixas, Lluís Soler eta Jordi Pujol. Katalunia izango ote da Europako hurrengo estatu burujabea? Hemen duzue ikusgai.

Atzo gauez TV3n ‘Adéu, Espanya?’ dokumentala emititu zuten, polemika ordea, pantailara heldu aurretik iritsi zen. Ekonomikoki eta juridikoki Katalunia Groenlandia, Quebec eta Eskoziarekin alderatzen du aipaturiko lanak. Kataluniaren independentziaren alde egiten duen dokumentala dela argudiatuz, PPk eta C’s-ek kritika latzak egin dituzte Kataluniako telebista publikoaren aurka.

Gaur ez da saiorik izango Kataluniako hainbat zinema aretotan. Greba egitea erabaki dute, Kataluniako Zinema lege berriaren aurka. Lege honen arabera, zine aretoetan filmen erdiak katalanez emititu beharko dituzte (originalak, bikoiztuak, zein subtitulatuak). Baina astelehen batean zinema itxiz protesta serioa egin nahi ote dute?

Kataluniako abeslari galaktikoenen artean, (Albert Pla, Joan Miquel Oliver, Gerard Quintana, Estopa, Quimi Portet, Josep Puntí i Manel…) "Kakati bat egon behar da" gabon kantua egin dute, "Caganer", jaiotzetako figuratxoa aitzakia hartuta.

Artur Mas CIUko presidenteak dio, Katalunian independentziaren inguruko erreferendum bat egingo balitz, ezetzak irabaziko lukeela. Katalunia espainiar bat garaile irtengo litzatekeela, alegia. Bitartean, datorren hilaren 13an, 161 herritan independentziari buruzko kontsultak egingo dituzte, baina horien emaitza zalantzan jarri du Mas-ek.

Antzerako galdera erantzuteko deituta zeuden Arenys de Munt-eko herritarrak. Udalak Kataluniaren independentziaren inguruko erreferenduma deitu baitzuen irailaren 13rako. Baina laster bukatu zaie hauei ere herri kontsulten jokoa, Bartzelonako auzitegi batek debekatu egin baitu erreferenduma.

Itxura penagarria erakutsi du Athletikek Bartzelonaren aurka, ohiko ez diren jokalariek ez dute maila ona eman eta Bartzelona nagusi izan da momentu oro. Ikusi behar ea ostegunean ‘Europa League’ko ligaxkarako sarrera lortzeko gauza diren zuri-gorriak. Horrela jokatuta zaila izango da.