Internet ez da sekretuak gordetzeko lagun ona. Michael Jacksonek eta Lenny Kravitzek grabatutako 'Another day' abestia edonork entzun dezake jada. Iragan berri dugun urtearen hasieran grabatutakoa da. 'This is it' dokumentalaren irudiekin gertatu bezala, argitaratu aurretik zabaldu da abestia ere. Ea zer iruditzen zaizuen, Jacksonen azkena:

Michael Jackson hil eta gero deskubritu dudan artista izan da. Harrezkero zale sutsua bihurtu naiz. Barre egiten nion lehen eta miretsi egiten dut orain. Barruko testuan duzue azalpena. Kontua da ez dudala Jackson zale askorik ezagutzen, badakidan arren asko daudela. Beraz, bakarka argitaratutako abesti gustukoenen zerrenda osatu dut. Zerrendak beti polemikoak direlako eta sekula ez delako adostasunik egoten. Zein kendu edo zein gehituko zenukete?

Loak hartu ezinik ibili nintzen atzo, goizeko ordu txikiak arte. Zer egin ez nekiela, aspaldian eman ez diodan errepasioa jaso zuen atzo nire Google Reader-ak. Eta ez al duzu Thriller bideoklipean inspiratutako Converse hauek baino ezer interesgarriagorik aurkitu?

Franziskaner bat ari nintzen zanga-zangatzen, jakin dudanean Michael Jackson oraindik lurperatu gabe zegoela. Eta gero arraroa neu naizela, esango dute.

Hil zen egunetik hona ez da egun bat bera ere pasatu berari buruzko albisterik gabe. Alabaina, albiste guztiek beren alde iluna, eszentrikoa eta ikaragarria azpimarratu dute. Komunikabide batek ere ez du nabarmendu bizitzan zehar 300 milioi dolar baino gehiago eman zituela dohaintzan. Pop izar eskuzabalenaren Guiness Errekorra du, izan ere.

Michael Jackson handiaren azken entsegua argitara atera dute dute hainbat telebista katek. Bertan ez du hain itxura txarra estatu batuarrak, baina ez du ezta ere garai honetako energia berdina

Bihotzekoak jota, Los Angelesen hil da Michael Jackson kantaria. Abuztuan zen egitekoa 51 urte. Zer esan Jackson anaien artetik ospetsuenari buruz? Txilipristo galantaren gauzak ikusi genizkion, egia da hori, baina musikan eta dantzan, gozatu ederrak emandakoa izan da bera. Artista benetakoa.