Greba eta manifestazioetan ohi denez, biharamunean zifra dantzarekin hasi dira eta gaur ez da gutxiago izan. Sindikatu deitzaileentzat arrakastatsua izan zen, patronalarentzat porrota. Baina zer da greba arrakastatsu bat?

Lotsatzeko modukoa da Hegoaldeko sindikatuak nola dabiltzan elkarren artean konpondu ezinik. Batek zaunka egiten badu, besteak marru dagi. Beste garai batzuetan ELA eta LAB euren artean muturtuta ikusi izan ditugu, baina badirudi orain kontua espainol eta euskaldunen artekoa dela. Izanak izan, CCOO sindikatuak fitxa mugitu egin du eta ikusi egin beharko da zer gertatzen den orain.

Ibilgailuen Azterketa Teknikoa (IAT) gainditu duzula ziurtatzen duen autoko pegatina iraungitzear duzu akaso. Eta agian Gipuzkoan bizi zara. Jakin ezazu, bada, herrialde honetan dauden hiru IAT guneetatik bi greban daudela, lan badintza eta zerbitzu duinak aldarrikatzeko.