Arakatzen, arakatzen, blogak arakatzen, honako kritika aurkitu nuen Araksue.mundua.com-en. Jarraitu ohi dudan blog honetan interesgarriak izan ohi dira Iker Tubia, kazetaritza ikasleak, idazten dituen iritziak. Hemen jarri dizuedan hau Vaya Semanitaren umore saioaren inguruan idatzi zuen.

Anchón Echavarria, Vaya Semanita saioko pertsonaiak eskuindarren aurkako aurreiritziak desegin nahi dituela dio bere aurkezpenean. Eskuindarrek inmigrazioari, abortuari, erlijioari eta bestelako hainbat gairi buruz pentsatzen dutena azaltzen du Echavarria ultraeskuindarrak, eta antza Intereconomiari ez zaio barregarria iruditu.

Nekeari, lan egiteko gogo faltari, desordenari edo urduritasunari gaixotasun izenak ipini dizkiete psikologoek. Egungo gaixotasun modernoak dira, beti existitu direnak, baina orain arte eritasun ez zirenak. Hona hemen irudizko gaixotasun horiei buruz Vaya Semanitan eginiko bideoa:

Telebistako "Un, dos, tres… responda otra vez" programa mitikoaren parodia honetan, bi epaile, 'Egunkaria' ixteko izan zituzten arrazoien zerrenda egiten saiatzen dira. Hona hemen erantzunak:

Tira "aldaketaren" parte izan den "umore" saioak, mugaz gaindi, Espainia osoa konkistatu du 'La Siete' 'Telecincoren' bigarren katearen bitartez. Orain Euskal Herrian bizi diren espainolez gain, estatu guztikoek egingo dute irri, euskaldun herrikoiaren eta abertzalearen kontura.

‘Vaya Semanita’ saioak urte ugari daramazki jada eta Andoni Agirregomezkortak zuzentzen duenetik umoreak zapore txarra hartu du. Txisteak txarrak izateaz gain, gustu txarrekoak ere badira. Oso partzialak, eta hainbati mina eragiten diotenak. El País-en elkarrizketa egin zieten abuztuaren 7an “EL CAMBIO POLÍTICO EN EUSKADI” zintapean.