Asisko Urmenetaren "Gartxot" komiki gisan ezagutzen bagenuen ere, marrazki bizidun da gaurgero. Filmaren eta Gartxoten beraren historia aurkitu dugu KANALDUDE telebistan.

Azken egunotan apaizek haurrei eginiko sexu indarkeria kasu berriak ezagutu ditugu. Eta Vatikanoak eta Ratzingerrek berak, horiek ezkutatzeko egindakoen berri ere izan dugu. Eliza katolikoaren aurkako jarrerak eta adierazpenak berehala entzun ahal izan ditugu. Egunkarietako komikigileentzat ere gai aproposa izan da; han eta hemen inkusi ahal izan ditugu egoera hori salatzen duten zintak. Hona hemen hainbat adibide:

Hasi baino lehenagotik argi zeukan Zuzeu albistari honek, marrazkiak bere lekua behar zuela eduki baita Interneteko hedabideetan ere. Horregatik jo zuen Pernan Goñi artistarengana eta horregatik hasi ginen igandetan bere Nosfe gogoangarria argitaratzen. Haserre baten ondotik, marrazkilari gabe gaude orain eta esku onekoa bazara, dei egiten dizugu.