Venezuelak 600 milioi ordainduko dizkio Casino supermerkatu kateari, bertan duen filiala nazionalizatzeko. Monetaren debaluazioa zela eta prezioak igotzea leporatu ostean lortu du Chavezek “akordio adiskidetsua”.

Epaia atera da, Erruduna. Txileko justizia sistemaren arabera, Aselek delitua burutu du Arma eta lehergailuen kontrolaren legea urratuz. Badirudi hitzak eta adierazpen askatasuna Txileko gobernuarentzat arma hilgarriak direla, Aselen etxean aurkitutako arma bakarrak bait dira.

Prestatu dugu bere aldeko hurrengo ekimena, Kontzentrazioa irailaren 7ko (asteartea) 19.3o etan Bilboko Plaza Borobilean.

Hedabideek zabaldu zuten albistea, AEBtako Zero Gunean meskita eraikitzeko asmoa zuten. Albisteak polemika piztu zuen ‘aukeren lurraldean’ eta manifestazioak ere egin ziren. Aitzitik, asmoa ez zen meskita egitea ezta Ground Zero delakoan eraikitzea ere.

Egun Herbehereetako espetxeetan 12.000 preso daude, estatuak 14.000 preso mantentzeko azpiegitura duen arren. Egoerari aurre egiteko zortzi espetxe ixtea erabaki du gobernuak. Dirudienez, zenbait drogaren legeztatzeak eragin zuzena du preso kopuru baxuan.

Ez du inor harrituko Laurent Jofrin, Liberationeko zuzendari mediatikoa Sarkozyren aurkako editorialak idazten ikusteak, baina Le Monde egunkaria lan berdintsua egiten ikustea benetan gerta daiteke harrigarri gure tankerako profanoarentzat. Zer ari da gertatzen Frantziako presidentetzaren inguruan?

47 urte dira Martin Luther King eskubide zibilen alde agertu zenetik “I Have a Dream” lelopean, eta non eta Tea Party mugimendu ultrakontserbadoreak leku eta egun bera aukeratu zuen larunbatean bere indarraren erakustaldia egiteko.

Nazioarteko hainbat hedabidek azken aldian plazaratutako informazioek ziotenaren harira, Hugo Chávez Venezuelako presidenteak ukatu egin du bere gobernuak terrorismo islamiarrari laguntza ematen dionik. Besteak beste, terrorista islamiarrentzat Amerikarako atea izatea leporatzen diote, Venezuelak Damasko eta Teheranekin dituen hegaldi zuzenak direla eta.

Inork sinetsi ezin zuenak mundua harritu zuen. Lurjausia gertatu eta hamazazpi egunetara, hautsa barreiatu, harria ageri eta, bere azpian, bizitza. 33 meatzarietako bakoitzak, Kristoren urte bakoitzeko, hamarna kilo galdu dituzte. Baina bizirik eta Txileko ereserki nazionala abesteko gogoz daude.

Al Rai egunkari kuwaitarraren arabera, Hezbola erakunde islamistaren adar armatuak siriar lurretan dituen tiramen handiko koheteen gordailuaren eta beste zenbait jomugaren aurkako erasoak prestatzen ari daiteke Israel. Siriar armada alerta egoeran da eraso posible hauei aurre egiteko.

Hiritarrei minareteen eraikuntza eta belo islamiarraren erabilera debekatzearen alde daudenetz galdetzeko erreferendum bat eskatu du FPO (Austriako Askatasunaren Alderdia) alderdi ultraeskuindarrak.