Pablo Picassok 1937an margoturiko koadro famatuari esker Gernikako sarraskia munduaren begietara heldu da. Bonbardaketan hartan gertaturikora hurbiltzen gaitu. Gazako 25 artistek 30 metroko luzera duen horma irudia margotu dute. Koadroari, Gernikako Gaza deitzen diote, bertako sarraskia irudikatzen duelako. 1.400 hildako, horietatik 431 haurrak, 5.000tik gora zauritu… Horma irudi hori izan da "nahikoa da!" esateko artista gazteek bilatu duten modua:

Dorre bikien aurkako erasoen irudiak nazkatu arte ikusi genituen. Irailaren 11 guztion memorian iltzatu zen, eta eraso haren ondorioak oraindik ordaintzen ari dira Iraken eta beste hainbat herrialdetan. Bertsio ofiziala berehala jarri zuten zalantzan. Askok, Bushen gobernuak nazioartean inpunitatea lortzeko aitzakia behar zuela uste dute. Zero dokumentalak bertsio berri bat eskaintzen du, bertsio ofizialarekin bat ez datorrena. Kontatu zigutenak zentzurik ez duela argudiatzen du lan honek:

Gillermo Toledo espainiar aktore ezagunak, adierazpen sonatuak egin zituen Orlando Zapata disidente politikoa gose greban hil ostean. Adierazpen haiek ekaitz handia piztu zuten Espainiako hedabideetan Kubaren aldeko mezu hura zela-eta. Toledoren defentsan Publico egunkaria, Izquierda Unida eta PCE atera ziren, besteren artean. Gutun luzeago batean, Toledok bere adierazpenak argudiatu ditu.

Gaurtik hasita eta martxoaren 17a bitartean, Rith 2010ak Irlanda gurutzatuko du Belfastetik Galwayra. 1.600 kilometro, 250 herri eta milaka pertsonen parte hartzea irlanderaren alde egiteko. Lehen aldia da Irlandarrek korrikaren antzerako ekitaldia antolatzen dutela.

Zergatik ospatzen da martxoaren 8an eta ez apirilaren 15ean? Eta zer omendu nahi dute?

La Razón egunkariko irakurleen %10ak egunkari horren hautua Alfonso Ussía zutabegilearengatik egiten omen dute. Haren idatzirik ez balego, ez lukete La Razón erosiko eta horrexegatik egunkariko altxorra, bermea bilakatu da Ussía. Egunkari eskuindarrak erabateko babesa ematen dio idazle madrildarrari eta haren idatziak azalera ekartzen ditu sarri. Zer da La Razón-eko irakurleek Ussiarengan bilatzen dutena?

Espainiako hedabideen bitartez jarraitu dugu Euskal Herrian Orlando Zapataren gose greba eta heriotza. El Mundon bezala El Paisen gogor kritikatu da Kubako sistema, baina iritzi oso ezberdina du Kubako telebistak Zapata kasuaz.

1923 eta 1927 artean, Espainiako armadak jendarte zibilaren aurka mostaza gasa isuri zuen modu masiboan. Espainia izan zen arma kimiko hori erabili zuen lehen potentzia armatua. Urte askoan ahaztua izan da gas hilgarriaren erabilera. Baina 80 urteko beranduaz, Madrilen bizi den Rifeko gazte bat, gerra hartako azken lekukoen testigantzak biltzeko lanean hasten da. Espainiako gobernuak ez ditu inoiz aitortu krimenok. Dokumental hau Creative Commons lizentziapean zintzilikatu dute, gertatutakoa lau haizetara zabaltzeko asmoz. Hemen hiru zatitan eskaintzen dizuegu.

Titularra ez da gurea, Rue89k zuzenki erabili baitu, poloniar jatorriko kazetari mundu ibiltariaren biografia ez baimendua argitaratuta piztu den eztabaida dela medio. Dirudienez, ez zen dena egia, istorio haiek ere fikzio ziren.

Harremanetan ote daude munduko beste muturreko pertsona ezezagun bat eta biok tarteko bost pertsonen bidez? Facebooken adibideari jarraitu, nire lagun batek, bere lagun baten bidez, lagun haren beste lagun baten bidez, hirugarren lagun haren beste lagun batez bidez eta laugarren haren beste lagun baten bidez… heldu ote gaitezke adibidez, Obamarekin kateatzeraino?